Pas më shumë se 2 orësh mbledhjeje, është mbyllur Komisioni Hetimor Parlamentar, i cili u mblodh për të hetuar vendimin e presidentit Meta për të zhdekretuar 30 qershorin.
Kreu i Shtetit, Meta u përball me pyetjet e deputetëve mazhorancës dhe opozitës, në lidhje me faktin se ku u mbështet ai për marrjen e këtij vendimi.
Mirëpo, në fund të mbledhjes nuk munguan as batutat , teksa presidenti Meta ftoi për një kafe në Presidencë deputetin socialist, Bashkim Fino, duke i thënë se jo vetëm që nuk ka asgjë personale me të, por e ka dhe të preferuar.
“Faleminderit që me rikthyet në këtë institucion shumë të dashur. Lidhur me këtë çështje nuk kam nevojë për dëshmitar, veprimet e mia kanë qenë publike dhe dëshmitarë kanë qenë gjithë qytetarët. Ftoj sa më shpejt Finon në Presidencë, për nja kafe me presidentin, sepse jo vetëm nuk kam asgjë personale, por është i preferuar”, tha Meta.
