Të tjera detaje kanë dalë në lidhje me ngjarjen e rëndë ndodhur pak ditë më parë në Bulqizë, ku një 22-vjeçar vrau me thikë shokun e tij.
Mësohet se autori i krimit, Fatjon Keta, një vit më parë, ishte dërguar në spitalin psikiatrik të Shkodrës.
Ndërkohë, sipas “BalkanWeb”, gjatë rrugës i ka deklaruar personelit që e shoqëronin drejt Spitalit: “Do të më njohë Arlind Pasha se kush jam unë. Do të më njohë ai dhe shokët e tij”.
Po ashtu, dy muaj më parë, ai ka tentuar të qëllojë me thikë edhe dy persona të tjerë, ndërsa hidhen dyshime se Keta ka qenë përdorues i lëndëve narkotike. Mëngjesin para se të kryente krimin ai ka dhunuar nënën dhe motrën e tij.
Ende mbeten të paqarta arsyet e sherrit që përfundoi me vdekjen e 21-vjeçarit, Arlind Pasha.
