Deputetja Rudina Hajdari ishte pasditen e sotme e ftuar në emisionin “Kjo Javë” në “News24”, prej ku komentoi situatën politike në vend si edhe vendimin e opozitës për të djegur mandatet parlamentare.
Lidhur me vendimin e saj për të mos iu bashkuar vendimit ekstrem të opozitës, Hajdari u shpreh se ka zgjedhur rrugën e duhur: “Zgjodha rrugën e duhur, jo vetëm unë, por i gjithë grupi parlamentar, për të thënë që është djep i demokracisë dhe përballë çdo lloj qeverie, i vetmi vend ku mund të përballemi është parlamenti , aty bëhen ligjet”.
Lidhur me lapsuset gjatë fjalimeve në Parlament, Hajdari deklaroi: “Të bësh gabime është njerëzore, nuk jam njeri perfekt, kam gabimet e mia, nuk është problem për shqiptarët. Jam mësuar tashmë, kritikat më bëjnë më të fortë, nuk më shqetësojnë. Rrjetet sociale mundohem mos t’i ndjek shpesh. Është krijuar një rreth vicioz, ndoshta edhe i koordinuar”.
