Merkatoja e pesë ligave të mëdha të Evropës është mbyllur, por ka ende vende si Portugalia, Rusia apo edhe shtetet aziatike, të cilat mund të vazhdojnë të bëjnë blerje. Lojtarë të kalibrit të Mario Manxukiçit do të ishin të mirëpritur kudo, aq më shumë në Katar, ku futbolli është ende në fazë evoluimi.
Ashtu siç raporton “TuttoSport”, sulmuesi kroat i Juves ka marrë ditën e djeshme tri oferta nga tri skuadra të ndryshme të Katarit, të cilat janë gati ta “mbulojnë” me miliona numrin 17 bardhezi.
Ky sulm ka mbërritur menjëherë pas lajmit se Manxukiç u la jashtë listës Champions, ndaj ekipe si Al-Sad, Al-Duhail dhe Al-Ahli i kanë ofruar 10 milionë euro në sezon për tri vitet e ardhshme 33-vjeçarit, i cili për momentin nuk ka zgjedhur që të japë asnjë përgjigje ndaj skuadrave të interesuara.
