Vetëm pak ditë më parë, Matthew Palmer u emërua nga Departamenti Amerikan i Shtetit si Përfaqësues i Posaçëm për Ballkanin Perëndimor. Lidhur me emërimin e tij ka reaguar së fundmi ministrja e Shtetit për Marrëdhëniet me Parlamentin Elisa Spiropali.
Kjo e fundit në një postim në rrjetin social Facebook ka shkruar ndër të tjera se Palmer është një “njohës i hollë i çështjeve ballkanike dhe shqiptare”.
Postimi i plotë i saj: “Njohës i hollë i çështjeve ballkanike dhe shqiptare, roli i Z. Matthew Palmer si Përfaqësues i Posaçëm i Shteteve të Bashkuara të Amerikës për Ballkanin Perëndimor do të jetë pozitivisht orientues për Shqipërinë në ruajtjen e stabilitetit, avancimin e reformave dhe thellimin e bashkëpunimit me partnerin tonë të pazëvendësueshëm, SHBA-të”.
