Është ndarë sot nga jeta ish-komisari i policisë, Elvis Kalamishi. Lajmi i hidhur bëhet i ditur nga Shoqata e Punonjësve të Policisë në lirim.
Ish-komisari ka ndërrua jetë pas një lufte të gjatë me sëmundjen e rëndë.
Në mesazhin e ngushëllimit, shoqata që bëri fillimisht publike ndarjen e tij nga jeta, e konsideron ish-komisar Kalamishin një koleg të përkushtuar dhe njeri dinjitoz.
“Me hidhërim mësuam largimin prej nesh të kolegut tonë të nderuar, komisar Elvis Kalimishi. Një koleg i përkushtuar dhe njeri dinjitoz humbi betejën me vdekjen pas një lufte të gjatë operacionesh. Shprehim ngushëllimet më të thella familjes, të afërmve dhe kolegëve të Organizatës së Policisë. I përjetshëm qoftë kujtimi i Komisar Elvis Kalamishi”, thuhet në mesazhin e ngushëllimit.
