Komisioni Hetimor për shkarkimin nga detyra të Presidentit Ilir Meta pritet të mblidhet ditën e nesërme në orën 12:00.
Në këtë mbledhje do të miratohet Plani Hetimor në lidhje me shkeljet që mund të jenë bërë nga presidenti Meta, teksa do të shqyrtohen përgjigjet e ardhura nga institucionet, KQZ, polici, prokurori, si dhe Kolegji Zgjedhor.
Ndërkohë, mësohet se javën e ardhshme do të thirret presidenti Meta në komisionin hetimor për të dëshmuar.
Kujtojmë që më 9 shtator një delagacion nga Komsioni i Venecias pritet të mbërrijë në Tiranë, ku do të qëndrojnë në vendin tonë për një vizitë dy ditore. Gjatë vizitës delegacioni do të organizojë takime me presidentin e Republikës Ilir Meta, kryetarin e Kuvendit Gramoz Ruçi, përfaqësues nga qeveria, KQZ Komisioni i Posaçëm Hetimor, përfaqësues të opozitës dhe anëtarë të shoqërisë civile.
