Një varkë që u përfshi nga zjarri në ishullin e Santa Cruz, California, ka lënë të paktën 34 persona të vdekur.
Sipas mediave të huaja, varka u përfshi nga flakët gjatë mëngjesit të ditës së sotme, teksa raportohet se vetëm 5 nga personat që ndodheshin në bord kanë arritur të shpëtojnë.
KKFX-TV raportoi se Rojet Bregdetare të Los Angeles, iu përgjigjen raporteve për një zjarr të madh në një anije në ishullin Santa Cruz, rreth orës 5 të mëngjesit.
Në një njoftim pak para orës 5 të mëngjesit me orën lokale, Rojet Bregdetare raportuan se u përgjigjën si nga ajri ashtu edhe nga uji, për të ndihmuar në shpëtimin e njerëzve dhe shuarjen e flakëve.
“Rojet Bregdetare kanë nisur mjete të shumta shpëtimi, së bashku me asetet nga agjencitë lokale për të ndihmuar më shumë se 30 njerëz në ankth në një varkë 75ft në afërsi të ishullit Santa Cruz”, tha Garda Bregdetare LA.
