Ngjarja që fillimisht u raportua si një shpërthim tritoli në Vlorë, rezulton të jetë një plagosje me armë zjarri.
Sipas policisë, ngjarja ka ndodhur mbrëmjen e sotme, ku si pasojë ka mbetur i plagosur një 36-vjeçar. I plagosuri, Elius Thartori, është dërguar menjëherë në spital dhe ndodhet jashtë rrezikut për jetën.
Mësohet se 36-vjeçari ka qenë jashtë vendit dhe është kthyer së fundmi.
Njoftimi i policisë:
Rreth orës 19:23, në Spitalin Rajonal të Vlorës ka shkuar i plagosur dyshohet me armë zjarri shtetasi Elius Thartori, 36 vjeç, i cili ndodhet jashtë rrezikut për jetën.
36 vjeçari ka qenë në ballkonin e banesës së tij në lagjen “10 Korriku” dhe në rrethana ende të paqarta dyshohet se është plagosur me armë zjarri
Grupi hetimor po vijon hetimet për zbardhjen dhe sqarimin e rrethanave të ngjarjes.
Po punohet për identifikimin dhe kapjen e autorit.
