60 shqiptarë janë riatdhesuar ditën e sotme, nga të cilët 20 prej tyre kishin kërkuar azil dhe 40 të tjerët për qëndrim të parregullt në vendet e BE-së. Kjo u bë e mundur përmes një charteri nga Franca, në kuadër të fluturimit të përbashkët evropian organizuar nga Franca dhe Frontex, si dhe me mbështetjen e eskortës shqiptare.
Ndërkohë, Policia e Shtetit u ka bërë apel të gjithë shtetasve shqiptarë që të mos i shkelin rregullat e qëndrimit në hapësirën Schengen.
“Policia e Shtetit apelon të gjithë shtetasit shqiptarë që udhëtojnë për në vendet e BE-së, të respektojnë rregullat e lëvizjes në hapësirën Schengen, si dhe mos provojnë të kërkojnë azil, pasi shanset për ta fituar janë zero”, thuhet në njoftim.
