Mësohet se ditën e djeshme, Emiliano Shullazi ka lënë qelinë e tij dhe është shoqëruar për në spital.
Sipas Fax News, Shullazi u shoqërua mesditën e djeshme në një spital privat, ku ka ndenjur për rreth 1 orë. Nuk dihen ende shkaqet se e vizitës së Shullazit në spital, teksa nuk përjashtohet as mundësia që ai të ketë zhvilluar ndonjë takim atje.
Kujtojmë se Shullazi është dënuar me 14 vite burg, për kërcënimet dhe gjobë vëniet financiare ndaj biznesmenit Ylvi Beqja.
Emiliano Shullazi bashkë me 4 të pandehurit e tjerë, pjesëtarë të bandës së tij, morën një dënim prej 55 vitesh burgim, vendim të cilin ata e apeluan duke kërkuar të deklarohen të pafajshëm për të gjitha akuzat.
Si pasojë, Shullazi arriti të marrë tre pafajësi në shkallë të parë, por u dënua me 14 vite burgim vetëm për rastin e konfliktit që ka pasur me biznesmenin Beqja. Dëshmia e Ylvi Beqja, ishte ajo që po mbajti në qeli Shullazin, dhe tre anëtarët e tjerë të grupit Gilmando Dani, Endrit Qyqja dhe Endrit Zela.
