Shumë e bujshme ishte ndarja e Nora Istrefit dhe Robert Berishës. Kjo ndarje, siç duket ka mërzitur shumë fansa të çiftit. Pas 14 vitesh bashkë, Roberti lajmëroi në një postim se martesa e tij dhe e Norës kishte përfunduar, dhe se i uronte asaj gjithë të mirat.
Pas këtij akti, fansat janë vënë menjëherë në veprim. Ata kanë organizuar një protestë kundër ndarjes së tyre. Në Facebook është krijuar një event me emrin “Protestë kundër ndarjes së Robertit me Norën, dhe probleme të tjera”.
“U ndanë Blero me Teutën, heshtëm. U ndanë 53 milionë për Bechtel Enken, heshtëm. U ndanë VV-ja, po ashtu heshtëm. Nuk mund ta përjetojmë edhe një tjetër ndarje. Andaj, të dielën, mblidhemi tek sheshi i heroit kombëtar, Zahir Pajaziti, për ta thyer heshtjen, dhe për t’i thënë JO NDARJES mes Robertit dhe Norës. “Pos kësaj JO-je të MADHE për ndarjen, ti themi JO edhe shumë problemeve në Kosovë.”, shkruhej aty.
