Pas spekulimeve se Ilda Bejleri është larguar nga Digitalb pas konflikteve që ka pasur Dritan Shakohoxhën, ka ardhur edhe reagimi i këtij të fundit në lidhje me këtë çështje.
I ftuar në emisionin “Pushime On Top”, komentatori u shpreh se ka qenë ai i pari , që e ka marrë Ildën në televizion bashkë me djemtë e stafit.
Sipas tij, gjatë gjithë këtyre viteve janë ndërruar shpesh personazhet në skuadrën e tyre dhe këtë verë ndodhi e njëjta gjë.
“Mbase nuk e përjetoi mirë lajmin që i dhashë, por unë jam trajner përveçse brigadier dhe në periudhën e verës e rikompozojmë skuadrën. Në gjithë këto vite kanë hyrë dhe kanë dalë nga kjo skuadër shumë personazhe dhe ata që kanë ikur, kanë vazhduar karrierën e tyre diku tjetër. Unë e kam marrë në fillim në televizion [Ildën], bashkë me djemtë e stafit dhe ne vendosëm që ajo të shihte dhe opsione të tjera, në një kanal tjetër. E përjetoi me emocion largimin nga Digitalb por ne kemi qenë ata që i kemi dhënë mundësinë dhe ajo e ka shfrytëzuar shumë mirë dhe ka punuar si profesioniste…”, tha Shakohoxha.
