Rrjeti social Facebook së fundmi ka marrë një vendim mjaft të rëndësishëm që lidhet me sigurinë e përdoruesve të saj. Duket se tashmë “kupa është mbushur”, dhe Facebook ka vendosur që të mbyllë me qindra adresa fallco në Arabinë Saudite pasi shpërndanin lajme jo reale, propaganduese. Në total janë mbyllur 259 llogari në Facebook, 102 faqe, 5 grupe dhe 17 faqe në Instagram që kishin lidhje me Emiratet e Bashkuara Arabe.
Lajmin në fjalë e ka bërë me dije shefi i Politikës së Sigurisë, Nathaniel Gleicher, përmes një interviste të dhënë për mediat. Ndër të tjera ai ka deklaruar se lufta kundër “Fake news” vazhdon dhe llogari të tjera gjithashtu rrezikojnë të mbyllen.
