Dorëheqja e Ramush Haradinajt nga posti i kryeministrit të Kosovës, ka ngjallur një sërë reagimesh. Pjesa më e madhe e të cilëve mbështesin Haradinajn, duke e cilësuar si një “hero të vendit”.
Që prej pasdites së djeshme, pas daljes publike, rrjeti është sensibilizuar masivisht. Por, veç mbështetjes për ish-komandantin e luftës së Kosovës, njerëzit dhe faqet e memeve në vend kanë bërë paralelizëm. Duke vendosur përballë kryeministrin Rama, lidhur dhe me gjendjen e rëndë politike të krijuar në Shqipëri.
Madje disa nga qytetarët i janë drejtuar edhe Facebook-ut të kryeministrit Rama. Edhe pse ky i fundit ende nuk ka reaguar për ngjarjen. Qytetarët e quajnë Ramush Haradinajn burrë-shteti për vendimin që mori. Duke e quajtur Ramën tradhtar dhe se është gati të shesë vendin për dy lekë.
