Gazetari Mentor Kikia ka folur rreth krizës ekonomike që po përjeton shteti shqiptar. I ftuar në emisionin “Arena” në Ora News, Kikia tha se ekonomia shqiptare tani do të fillojë të ndjejë krizën e krahut të punës dhe më pas atë të konsumit.
Sipas tij, problemi nuk qëndron te largimi i njerëzve të papunë, por te specialistët e zanateve të ndryshme që largohen me kontrata pune jashtë vendit.
“Njerëz të papunë kanë ikur dhe vazhdojnë të ikin, por nuk e ka ndjerë ekonomia. Ekonomia do vazhdojë të ndjejë këtë tani, specialistin guzhinierin, mekanikun, furnitorin, infermierin edhe kamarierin. Këta njerëz po ikin sot me kontrata pune. Shkojnë në ambasadë marrin vizë, bëjnë marrëveshjen dhe ikin. Ne do të vazhdojmë të vuajmë dhe unë besoj se ekonomia shqiptare tani do të futet në krizën e krahut të punës dhe pastaj në krizën e konsumit. Kjo pjesë e shoqërisë që ikën është edhe ajo që konsumon veshje, ushqim, argëtim”, u shpreh Kikia.
