Pas reshjeve të breshrit dhe motit të keq që u regjistrua në Itali këtë fundjavë, një tjetër fenomen ka prekur një nga plazhet e këtij vendi.
Sipas mediave italiane, një zjarr i madh ka shpërthyer në zonën turistike të Playa di Catania, duke rrezikuar jetën e shumë turistëve. Kjo ka bërë që pushuesit të largoheshin me vrap drejt detit, duke kërkuar shpëtim.
Erërat e forta e kanë bërë edhe më të vështirë shuarjen e zjarrit i cili e ka shkatërruar plotësisht plazhin. Sipas mediave italiane, pushuesit e pranishëm janë shpëtuar nga ana e detit nga zjarrfikësit me barka dhe helikopterë. Ndërkohë, raportohet se mes plazhistëve, 40 prej tyre ishin fëmijë të vegjël.
