Një ndër krerët e bandave më të rrezikshme në Shqipëri, Nehat Kulla ose i njohur ndryshe edhe si “gjenerali”, është liruar ditën e sotme nga burgu.
Ai ishte dënuar me 20 vite burg për vrasjen me paramendim të shtetasit Halim Gjuzi, ish-shoferi i ish-zëvendës ministrit të Arsimit, Halit Shamati.
Banda e Nehat Kullës ka funksionuar në vitet 1997-1998 në zonën e Tufinës në Tiranë, ku edhe ishin anëtarët e bandës me emrin e “gjeneralit” të Tufinës.
Gjatë vitit 1997, kur shteti kishte humbur kuptimin e vet, ai arrin të krijojë një komisariat të mirëfilltë policie. Ku u garantonte banorëve të Kinostudios dhe Tufinës qetësinë. Duke mos lejuar asnjëri të futej në hartën e vendit ku ai kishte ndikimin e tij. Banda e tij ka kryer shumë vrasje dhe krime të tjera të frikshme.
