Një 45-vjeçar ka rënë në prangat e policisë, pasi lëvizte me armë zjarri me vetë. Arrestimi erdhi pas një njoftimi anonim në aplikacionin “Komisariati Dixhital”.
Personi që është vënë në pranga identifikohet si shtetasi me iniciale M.N., lindur në Shkodër dhe banues në Valias, Kamëz.
Gjatë kontrollit fizik të ushtruar këtij shtetasi, në ambientin e lokalit, policia i gjeti një armë zjarri pistoletë. Nga kontrolli në banesë iu gjetën dhe 17 fishekë pistolete, të cilat u sekuestruan në cilësinë e provës materiale.
Njoftimi i policisë:
Në Komisariatin Dixhital ka ardhur një denoncim se në rrugën e “Arbërit”, lagjja nr. 1 Bathore, në ambjentet e një lokali një shtetas kishte armë zjarri në brez.
Falë reagimit të menjëhershëm të Shërbimeve të Policisë të Komisariatit nr.5, u bë kapja dhe arrestimi në flagrancë i shtetasit M.N., 45 vjeç, lindur në Shkodër dhe banues në Valias Kamëz, Tiranë.
Gjatë kontrollit fizik të ushtruar këtij shtetasi, në ambjentin e lokalit, policia i gjeti një armë zjarri pistoletë. Nga kontrolli në banesë ju gjetën dhe 17 fishekë pistolete të cilat u sekuestruan në cilësinë e provës materiale.
Materialet do referohen për veprime të mëtejshme Prokurorisë së Rrethit Gjyqësor Tiranë për veprën penale “Prodhimi dhe mbajtja pa leje e armëve luftarake dhe municionit”
