Ish-ministrja e Integrimit Evropian Klajda Gjosha së fundmi ka reaguar në rrjetin social Facebook, duke shkruar ndër të tjera se sot ka ndjerë keqardhje për kryeministrin Edi Rama.
Po ashtu Gjosha shkruan se qytetarët kanë një arsye më shumë për t’ju bashkuar protestës së opozitës mbrëmjen e sotme: “Sot kam ndjerë keqardhje për kryeministrin ilegjitim të vendit tim. Dilemë shumë e madhe duhet të jetë për të, të zgjedhë mes të qenurit diktator i egër apo një lider i shtirur në triumfin imagjinar. Një katandisje të tillë kishte kohë që nuk e përjetonte Shqipëria. Kjo një arsye më shumë për të qenë të gjithë bashkë sonte, në protestën e qytetarëve të lirë, për demokracinë, fjalën e lirë, zgjedhjet e ndershme, mundësitë e barabarta dhe Shqipërinë si gjithë Evropa”.
