Pas mbylljes së procesit zgjedhor, dhe pas daljes së sondazheve të para, reagimi i parë ka ardhur nga kryeministri në detyrë i Greqisë, Alexis Tsipras. Ai në një prononcim për mediat tha se kishte telefonuar fituesin e këtyre zgjedhjeve, kryetarin e “Demokracisë së Re”, Qirjako Micotaqis dhe e kishte uruar për fitoren. Po kështu, Tsipras njoftoi se nesër do të kryejë të gjitha veprimet, për të dorëzuar detyrën tek kryeministri i ri.
“Pak më parë telefonova kolegun Micotaqis, të cilit i urova fitoren në zgjedhje. Nesër do kryej të gjitha veprimet, për të dorëzuar detyrën tek kryeministri i ri Micotaqis, që të fillojë menjëherë punën. I kërkoj ‘Demokracisë së Re’ të mos e marrë pushtetin me revansh, por të jetë në interesat më të mira të grekëve”, u shpreh Tsipras.
