Ish-deputeti i PD-së, Luçiano Boçi, ka shpjeguar se çfarë po ndodh me sulmin e analistit Lubonja e të tjera raste si ky në media. Boçi shprehet se kryeministri Rama kërkon me çdo kusht të shtypë çdo analizë, opinion apo mendim kritik që i del kundër, e ndërsa si Lubonja ka mjaft raste në vendin tonë.
Në komentin që e ka shpërndarë në Facebook, ish-deputeti demokrat vijon më tej duke cituar se Ramës nuk i mjafton lufta me median, ndërsa ka kaluar në sulme verbale e fizike, shantazhime e kërcënime ndaj personave të veçantë, gazetarëve e intelektualëve që njihen për pavarësinë e tyre të menduarit.
Ndodhur në këto kushte, shkruan më tej ish-deputeti demokrat, shporrja e tij me çdo kusht, mbetet alternativa e vetme.
Statusi
DELIRANTI QË KËRCËNON
Rama nuk ndalet në marrëzinë e tij për pushtet absolut.
Deliranti kryeministër përdor krimin, vjedh vota në mes të ditës, shkel Kushtetutën e çdo ligj që e pengon, abuzon me ekonominë e me shqiptarët, bën korrupsion.
Por nuk mjaftohet me kaq.
Ai kërkon me çdo kusht të shtypë cdo analizë, opinion apo mendim kritik që i del kundër.
Lufta me median, veçanërisht atë online nuk i mjafton.
Tashmë ka kaluar në sulme verbale e fizike, shantazhime e kërcënime ndaj personave të veçantë, gazetarëve e intelektualëve që njihen për pavarësinë e tyre të menduarit dhe të shprehjes së mendimeve.
Rastet e Pekës, Rakipit, Plasarit e të tjerë më parë, janë ndjekur nga kërcënimi i Fatos Lubonjës.
Këtu asgjë nuk është e rastit.
Mentaliteti kriminal i tij, nën delirin e madhështisë, e bën atë që të shohë çdo individ oponent si armik të pushtetit të tij.
Opozitën politike e qytetare e burgos, e gjuan me polic e me gaz.
Ndërsa opozitën intelektuale e shantazhon, e kërcënon me ekzistencën, me jetën e familjen që ajo të heshtë, të thyhet dhe të dorëzojë dinjitetin.
Dikujt i dërgon mesazhe kërcënimi të koduara me fjalimet i tij, siç bëri me Pekën. Dikujt i nis mesazhe anonime kërcënuese, sic bëri me Rakipin. Dikujt i çon manjakë FCB-je të blerë, siç bëri me Plasarin.
Ndërsa Lubonjës i dërgoi militantin e thekur të armatosur, për ta kërcënuar live.
Përgjigjen nga ta e ka marrë e do ta marrë.
Të mos harrojmë që është po i njëjti kryeministër që i çoi gangsterët Rektorit dhe banditët kryetarit të KQZ.
Siç ka bërë me kundërshtarë të tjerë politikë e apolitikë.
Marshimi i tij nga krimi në krim është i pandalshëm.
Në rrugëtimin e tij për pushtet, nga krimi zgjedhor ai kaloi në atë ekonomik, më pas në krimin social e mediatik. Sot krahas tyre bën krime dhe kundër personit.
Askush nuk duhet të presë që ai të ndalojë vetë.
Deliranti ordiner duhet ndalur me cdo kusht.
Nesër në 8 Korrik të vazhdojmë rrugën pa kthim për shkuljen e Delirantit ordiner!
