Shefja e misionit të OSBE/ODIHR, Audrey Glover, ka prezantuar raportin paraprak për gjetjet lidhur me zgjedhjet vendore të 30 Qershorit. Ajo kërkoi në emër të aktorëve politikë, që të punojnë për të mirën e vendit, ndërsa vuri në dukje se pjesëmarrësi më i rëndësishëm në zgjedhje është votuesi.
Në fjalën e saj, theksin e vuri tek KQZ-ja, ku herë-herë e ka interpretuar në mënyrë kreative ligjin, dhe se nuk ka qenë gjithmonë transparente në publikimin e vendimeve të saj.
“Për kë bëhen zgjedhjet? Për politikanët, apo për votuesit? Unë jam e bindur se në zgjedhje pjesëmarrësi më i rëndësishëm është votuesi. Zgjedhësit duhet të jenë të sigurt se vota e tyre do të ruhet e sigurt, dhe numërohet si duhet.
Kandidatët duhet të kenë akses të barabartë në media. Zgjedhjet duhet të jenë të mirëorganizuar dhe funksionale në të gjitha nivelet. Duhet të ketë edhe një Gjykatë funksionale, që të shqyrtojë ankesat dhe apelimet e kandidatëve dhe zgjedhësve.
Duke qenë se një sërë partish arritën të dalin me kandidatë, nga ana tjetër tërheqja e partive opozitare e kufizoi ndjeshëm mundësinë që votuesit të zgjidhnin kandidatët e tyre. KQZ herë-herë e interpretoi në mënyrë kreative ligjin, dhe nuk ishte gjithmonë transparente në publikimin e vendimeve të saj.
Ka një numër të madh organesh mediatike që janë të pozicionuara me parti të caktuara politike, si rrjedhojë e interesave të pronarëve të tyre. Kjo shkakton ndërhyrje të drejtëpërdrejtë në autonominë e redaktorëve dhe kufizon pluralizmin e pikëpamjeve. Media nuk pati pavarësi, dhe u fokua te kriza politike”.
