Përgjimet e gazetës gjermane, Bild, vazhdojnë të bëjnë bujë në situatën politike, në Shqipëri.
Partia Demokratike ka reaguar sërish gjatë ditës së sotme, sa i përket përgjimeve lidhur me blerjen e votave nga qeveria socialiste në Dibër.
Sekretari për Çështjet Ligjore në PD, Çlirim Gjata, deklaroi se ajo çfarë mund të përcaktohet qartë nga këto përgjime, është se “kemi të bëjmë me krim të organizuar”.
Sipas Gjatës, krimi i organizuar nuk është vetëm për drogën apo vrasjet, por është edhe për blerjen e votës duke theksuar se në krye të tij qëndrojnë pushtetarët më të lartë.
Deklarata e plotë:
Përgjimi 1/ Çlirim Gjata: Ajo që mund të përcaktojmë nga biseda, kemi të bëjmë me krim të organizuar. Krimi i organizuar nuk është vetëm për drogën, trafikun, një vrasje, është edhe për blerjen e votës, krim elektoral. Kemi të bëjmë me krim të organizuar me në krye pushtetarët më të lartë, nga ministra deri te kryeministri.
E kanë të përcaktuar rezultatin, është njëlloj sikur shesin drogë. E njohin shumë mirë njëri-tjetrin. Të gjithë këto janë elementë të kriminalizuar. Përgjimet 2 dhe 3, ku provohet teza që po ngremë ne.
