Tashmë që është hapur zyrtarisht sezoni turistik, mungesa e rojeve bregdetare është kthyer në një problem serioz. Mësohet se vetëm ditën e sotme në plazhin e Velipojës kanë rrezikuar të mbyten tre persona.
Shkak i këtyre tre rasteve ka qenë pikërisht mungesa e rojeve bregdetare. Mësohet se në të tre rastet, personat kanë rrezikuar të mbyten për shkak të dallgëve në det.
Kanë qenë pushues të rastit që kanë ndërhyrë dhe kanë shpëtuar plazhistët. Mes personave të cilët fatmirësisht janë shpëtuar mësohet të jetë edhe një fëmijë 13 vjeç.
Mesa duket edhe pse plazhet janë mbipopulluar me nisjen e sezonit turistik, në disa zona bregdetare ende nuk janë marrë masat e duhura për të vendosur roje për parandalimin e rasteve të tilla.
