Ish-deputeti i PD-së, Flamur Noka i është bashkuar protestës në Shkodër, ku gjatë fjalës ka akuzuar kryeministrin Edi Rama dhe prokuroren Arta Marku se fshehën qëllimisht përgjimet e dosjeve 339 dhe 184.
“Ti dhe prokurorja jote politike i kishit fshehur dosjet 339 dhe 184. Çfarë lidhje ke ti me Europën që flet për Europën”,tha Noka.
Sipas Nokës vendi i Ramës është në burg, pasi sipas tij ai është armiku i votës së lire.
“Edi Rama sot ti je ilegjitimin, dosja 339, 184, ta kanë nxjerr kokën që je vjedhësi i votave.
Vendi yt është në burg, ti Edi Rama je armiku i votës së lire. Ti Edi Rama nuk je më kryeministri shqiptarëve, por je kapoja e krimit në Shqipëri. Në Shqipëri ka demokraci dhe ti s’mund ta përdhosësh. Ti ke ardhur në pushtet me banda kriminale dhe ke inkriminuar dhe policinë e shtetit.
Rama ik sa nuk është vonë, çdo ditë që ti kacavirresh ndaj karriges së kryeministrit, është kosto për shqiptarët, por ne do minimizojmë këtë kosto, ne do të qërojmë ty. Ti dhe prokurorja jote politike i kishit fshehur dosjet 339 dhe 184. Çfarë lidhje ke ti me Europën që flet për Europën”,tha Noka.
