Kryetari i Partisë Demokratike, Lulzim Basha ka reaguar lidhur me arrestimin e ish-deputetit demokrat, Bardh Spahia mbrëmjen e djeshme.
Teka dënoi arrestimin e ish-deputetit, Basha, përmes një postimi në “Facebook” shkruan se nuk do të ndalet deri në “shporrjen e kësaj bande”. Ndërsa shtoi se kriminelët e zgjedhjeve po i shesin moral popullit në studiot televizive.
“Kriminelët e zgjedhjeve po i shesin moral popullit në studiot televizive. Bardh Spahia arrestohet pse protestoi kundër krimeve të tyre. Ne nuk do të ndalemi derisa ta shporrim këtë bandë dhe kreun e saj!”, shkruan Lulzim Basha.
