Një ngjarje e rëndë ka ndodhur në Krastë të Martaneshit. Një fëmijë vetëm 6 vjeç është plagosur me armë zjarri.
“News 24” raporton se fëmija ka marrë së paku 3 plumba në pjesën e fytyrës. Ndërkohë që familjarët kërkojnë që fëmija të transportohet për në Tiranë për mjekim të specializuar.
I mituri ndodhet në gjendje të rëndë për jetën në spital. Burime bëjnë me dije se pritet mbërritja e helikopterit për ta transportuar drejt Tiranës.
Ndërkohë që autori i ngjarjes është Jetmir Koxheri, i datëlindjes 1992, i cili tashmë është arrestuar nga policia.
Mësohet se ngjarja ka ndodhur pas një sherri mes Koxherrit dhe babait të djalit. Pas sherrit, autori ka shkruar me automatik ne banesën e personit që u zu dhe ka plagosur aksidentalisht të miturin.
Ai ndodhet ne spitalin e Peshkopisë në gjendje kritike për jetën, ndërkohë që familjarët kërkojnë që fëmija të transportohet për në Tiranë për mjekim të specializuar.
Nuk ka ende shumë detaje lidhur me rrethanat në të cilat ka ndodhur ngjarja.
