Kryetari i Partisë Demokratike, Lulzim Basha ka zhvilluar një mbledhje me aleatët e tij. Takimi për të ashtuquajturin aksion opozitar zgjati më shumë se 1 orë.
Pas firmosje së presidentit Meta për anulimin e datës së zgjedhjeve vendore të 30 qershorit, Kryesia ka marrë një sërë vendimesh, por më i rëndësishmi mes tyre është ai për t’i propozuar Këshillit Kombëtar krijimin e Aleancës Qytetare për Mbrojtjen e Demokracisë në çdo Bashki.
“Kryesia e Partisë Demokratike vendosi që t’i propozojë Këshillit Kombëtar të PDSH-së, angazhimin e strukturave të Partisë Demokratike dhe të Opozitës së Bashkuar në 61 Bashkitë e vendit për krijimin e Aleancës Qytetare për Mbrojtjen e Demokracisë. Kjo Aleancë do të krijohet si bashkim qytetar dhe intelektual, që do të ndërgjegjësojë qytetarët për rrezikun që po i kanoset demokracisë në vend dhe marrjen e të gjitha masave për të mbrojtur rendin demokratik dhe kushtetues”, sqaron PD.
