Një shqiptar ka rënë në prangat e policisë italiane në Padova, pasi akuzohet se për përdhunimin e një vajze shqiptare 27-vjeçare. I riu 25-vjeçar sipas “Corriere” është Florin Hasani.
Ngjarja ndodhi më 2 qershor, ku rreth orës 22:00 të mbrëmjes, i riu hyri përmes dritares së lavanderisë së ndërtesës fetare, duke përfunduar në dhomën e vajzës, e cila punonte si kujdestare e kishës ungjillore.
27-vjeçarja në atë moment po fliste në telefon me një të njohurin e saj. Maniaku e shtriu atë në shtrat dhe tentoi t’i ulte pantallonat, por vajzat bërtiti me gjithë forcën që kishte dhe djali u largua nga frika.
Ndërkohë, shoku me të cilin vajza ishte në telefon, dha alarmin në polici. Menjëherë një makinë policore mbërriti dhe menjëherë nisi hetimet, raporton Panorama.
Policia gjeti një biçikletë të braktisur me një çantë varur. Brenda ishin dokumentet e të riut. Duke qenë se ishte person i pastrehë, policisë iu desh pak kohë për ta gjetur atë.
Në fund, Hasani u gjet në një barake, ku ai kishte bërë një shtrat. Pozita e tij është kritike jo vetëm për përdhunimin e tentuar, por edhe për shkak se më 4 mars ai u kap duke u masturbuar në publik pranë sheshit të lojërave në “Via Fornace Morandi”.
