Projekti i Unazës së Re për nënkalimin tek sheshi “Shqiponja” pritet të nxirret për tenderim.
Mësohet se kostoja totale kap shifrën 2 miliardë e 695,7 milionë lekë, për të cilën qeveria shprehet se po t’i zbresësh vlerën e TVSH dhe rezervën e fondeve, shuma është afërsisht e njëjtë me tenderin e parë që u anulua pas skandalit me kompaninë “DH Albania”.
Kujtojmë se kjo kompani u përfshi në një skandal, pasi fitoi garën për ndërimin e një pjese të Unazës së Re në Tiranë, duke përdorur dokumente të falsifikuar të një kompanie amerikane, Dunwel Haberman.
Nga ana tjetër, qeveria shqiptare nuk ka arritur të arkëtojë deri tani garancinë e sigurimit të ofertës dhe për këtë gjendet në proces gjyqësor me një kompani sigurimesh.
