Një ngjarje tronditëse ka ndodhur në Londër më datën 30 maj ku dy lesbike janë dhunuar në një autobus. Ato janë parë në orët e para të mëngjesit duke u puthur në një autobus në Camden në Londër dhe ky veprim ka revoltuar tej mase 4 meshkuj.
Këta të fundit kanë dhunuar në mënyrë makabre dy vajzat të cilat siç mund t’i shikoni nga fotoja e mëposhtme, shfaqen të mbuluara me gjak. Njëra nga viktimat, Melania Geymonat ka bërë një status në rrjetin social Facebook përmes të cilit ka dhënë disa detaje nga ngjarja e rëndë.
“Ende nuk e di nëse hunda ime është thyer dhe nuk kam pasur mundësi që të shkoj në punë”, ka shkruar ndër të tjera Melania.
https://www.facebook.com/photo.php?fbid=2310191419297713&set=a.1441238012859729&type=3&theater
Ndërsa, disa burime policore janë shprehur në këtë mënyrë: “Dy femrat janë goditur disa herë nga një grup i përbërë nga 4 meshkuj. Telefonat e tyre dhe çantat e tyre janë vjedhur gjatë aktit të rëndë. Të dyja vajzat kanë përfunduar në spital duke iu nënshtruar trajtimit mjekësor.”
Vlen për t’u përmendur edhe reagimi i Kryetarit të Bashkisë së Londrës Sadiq Khan, i cili e ka cilësuar ngjarjen “të shpifur”.
“Urrejtja kundër komunitetit LGBT nuk do të tolerohet në Londër”, ka deklaruar publikisht ai.
