Pas publikimit të përgjimeve të dosjes “339” nga gazeta gjermane “Bild”, Prokuroria pranë Shkallës së Parë për Krimet e Rënda dha urdhër ditën e djeshme që të ndalohet publikimi i akteve të kësaj dosje në media, pasi dosja në fjalë është ende në proces hetimor.
Në lidhje me këtë vendim ka reaguar edhe kryeministri Edi Rama, i cili e ka konsideruar një absurditet.
Rama shprehet se ky urdhër është i gabuar, pasi sipas tij mediat janë të lira dhe me “këto punë merren”.
“Është një urdhër absurd i prokurorisë për të ndaluar mediat që të publikojnë përgjimet. Absurd! Nuk e di nëse i referohet ndonjë ligji të shkruar, por është i gabuar. Mediat janë të lira.
Fjala vjen Wikileaks, tronditi gjithë labirintin e komunikimeve diplomatike amerikane por nuk di të jep hapur ndonjë proces gjyqësor për gazetat. Mediat janë lajmësi. Për sa i përket çështjes, unë them që çështja ka disa aspekte.
Kam neveri nga përgjimet, jo nga përdorimi i përgjimeve sepse janë shumë të rrezikshme në aspektin e devijimit nga e vërteta sepse mund të nxirren nga e vërteta”, deklaroi Rama.
