Kryebashkiaku i Durrësit, Vangjush Dako, ka mohuar publikisht që në telefon ka folur me Astrit Avdylin, por me një person tjetër, të cilin refuzoi që ta emëronte. Ai madje ka ironizuar drejtuesin e emisionit ‘Opinion’ se vetë flet, dhe vetë përgjigjet.
“Vetë flet, vetë po përgjigjesh, si Astrit Avdyli. Unë nuk jam duke folur me Astrit Avdylin aty.
Gjeje ti me kë jam duke folur. Me Astrit Avdylin nuk jam duke folur, këta ta sfidoj këtu. Nëse është e vërtetë që unë jam duke folur me Astrit Avdylin….kaq di të them.
Kjo tregon që një mëndje e hollë e ka manipuluar, për të krijuar lidhjen me 5 telefonatat e tjera. Pra futet Astrit Avdyli, tek të 5-ta është Astrit Avdyli, tek e 6-ta me mua nuk është Astrit Avdyli. Jam duke folur me person tjetër, nuk ta them personin”, deklaroi Vangjush Dako.
