Të tjera detaje kanë dalë në lidhje me 30-vjeçarin, i cili në kushtet e depresionit i dha fund jetës duke u hedhur nga kati i shtatë i një pallati në Tiranë.
Burime për “Fax News”, bëjnë me dije se i riu me iniciale A.A ushtronte profesionin e mësuesit, ndërsa pak kohë më parë e kishin pushuar nga puna. Motivet që e larguan nga puna nuk bëhen ende publike, ndërkohë mësohet se viktima ishte i fejuar.
Kujtojmë se ngjarja e rëndë ndodhi rreth orës 13:30, në rrugën “3 Dëshmorët”.
“Rreth orës 13:30 në rrugën “3 Dëshmorët”, shtetasi A.A.,30 vjeç, dyshohet se në kushtet e depresionit është vetë hedhur nga kati i 7 i pallatit, ku për pasojë ka ndërruar jetë. Po punohet për sqarimin e mëtejshëm të rrethanave të ngjarjes”, njoftoi Policia.
