Pak kohë më parë, moderatorja e emisionit “Ditë e re” në Ora News, Dajana Shabani, pranoi se ishte ndarë nga bashkëshorti. Jo vetëm kaq, por ajo kishte rigjetur sërish dashurinë, dhe ndihej e lumtur dhe e plotësuar.
“Tani jam e dashuruar, kështu që jam duke parë përpara. Jam e ridashuruar!”, tha ajo.
Por një tjetër lajm vjen për moderatoren shqiptare, e cila me gjasë mund të jetë në pritjen e ëmbël.
Të paktën kështu është shprehur kolegu i saj, Hermesi, i njohur si “Zogu i Tironës”, i cili ka thënë se Dajana është shtatzënë për herë të dytë.
“Dajana është shtatzënë, është 3 muajshe shtatzënë. E ka çun, po nuk e ka thënë deri tani, e ka mbajtur të fshehtë”, ka thënë ai, teksa Dajana nuk e ka mohuar, por thjesht ka buzëqeshur.
Nga ana tjetër, kolegu i saj Besi si për ta kthyer në humor situatën ka thënë: “Me lajmet e Zogut, deri 40 vjeçe i ka bërë nja 5 fëmijë kjo”.
