Futja personale e disa kandidatëve për deputetë në Kuvendin e Shqipërisë ka sjellë vendime politike në partitë e tyre respektive.
Pas përjashtimit të disa deputetëve nga organet vendimmarrëse të partive të opozitës së bashkuar, sot ka qenë radha e Partisë për Europianizimin dhe Integrimin e Shqipërisë të njoftojë fundin e marrëdhënies politike me deputetin Ervis Meço, i cili ishte kandidat në listën e Partisë Demokratike, sipas marrëveshjse politike me PEISH në Qarkun e Vlorës.
“PEISH prej marsit të vitit 2017 i është bashkuar me vendim politik e me vullnet të lirë Koalicionit Opozitar dhe Aleancës me Lulzim Bashën dhe Partinë Demokratike. Ne si PEISH kemi firmosur gjithashtu edhe marrëveshjen e re të bashkëpunimit opozitar me Lulzim Bashën dhe Partinë Demokratike” thuhet në deklaratën e PEISH.
Duke kujtuar se vendimet politike janë të detyrueshme për zbatim nga çdo anëtar, në deklaratë njoftohet edhe fundi i marrëdhënies politike të Ervis Meços me PEISH-në.
“Sikurse e kemi ndjekur, ditën e enjte është betuar duke marë mandatin e deputetit nga lista vijuese e PD, ish – Sekretari i Përgjithshëm i PEISH z. Ervis Meço. Qytetari Ervis Meço ka të drejtë të bëjë ç’të dojë me vendimet dhe vullnetin e tij personal politik, por kurrësesi nuk mund të gëzojë më asnjë të drejtë në PEISH duke qenë se ai ka humbur tashmë automatikisht anëtarësimin e tij dhe çdo funksion brenda PEISH.
Vetëpërjashtimi i tij është edhe fundi i marrëdhënies së tij politike me PEISH” përfundon deklarata e Partisë për Europianizimin dhe Integrimin e Shqipërisë.
***
Kandidati i komunitetit Egjiptian në formularin e tij të dekriminalizimit deklaron se është dënuar në Gjermani me 30 ditë burg.
Ai saktëson se vepra penale e tij është konvertuar në gjobë, të cilën e ka paguar.
Ervis Meço akuzohet se ka përgjuar/regjistruar në mënyrë të paligjshme një zyrtar gjerman dhe për këtë vepër penale ai është dënuar me burgim.
Po ashtu kandidati që pritet të futet në Parlament, Ervis Meço shkruan në formular se për katër muaj ka qendërzuar në Gjermani si azilant politik, por nuk e ka përfituar statusin.
Sipas formularit të plotësuar nga ai vetë, kandidati për deputet ka shkuar në gjermani për azil pas zgjedhjeve të 2017./Panorama
