Çifti i këngëtareve Alban Skënderaj dhe Miriam Cani kanë kurorëzuar në martesë dashurinë e tyre, pas 12 vitesh lidhje.
Ceremonia është bërë në 7 maj 2019, por kanë zgjedhur të bëjnë publike ditën e sotme përmes rrjeteve sociale. Lajmi është konfirmuar nga vetë çifti, ku kanë ndarë edhe momente nga ceremonia.
Ceremonia e veçantë e martesës besohet se është mbajtur në ishujt Maldive, aty ku ata kaluan disa ditë pushime me vajzën e tyre, Ameli.
Krahas fotove, Albani ka shkruar edhe disa fjalë të ndjera në Instagram, ku shprehet se ka lidhur kurorë në sipërfaqen e një ishulli të pabanuar në mes të oqeanit.
“PO! U deshen 12 vite qe te quheshim zyrtarisht Burre e Grua por ne zemer kemi qene dhe jemi ende ata dy te rinj endrrimtare qe pertej ceremonive gjithmone e kane ndjere thelle ne shpirt se jane bere per njeri-tjetrin.
U deshen 12 vite te thonim PO perpara Zotit dhe njerezve qe na duan por ne te vertete zemrat kane thene pergjithmone PO nga momenti i puthjes se pare!
U deshen 12 vite te vishnim kostumin dhe fustanin e nuserise e te shkembenim unazat kur nderkohe kemi jetuar nen lekuren e njeri-tjetrit cdo gezim e hidherim dhe kemi ndare cdo te mire e te keqe qe jeta na ka ofruar.
Fati dhe shpirti donin qe ky moment i shenuar te merrte jete pikerisht aty ku ne vitin 2013 ai propozim i pazakonte na la per pak pa fryme te dyve, por kete here jo ne boten e magjishme nenujore por vetem pak metra me larg, ne siperfaqen e nje ishulli te pa banuar. Nje pike e bardhe ne mes te oqeanit. Zhveshur nga te gjitha dekoret e krijuara nga dora e njeriut dhe veshur nga bukurite perrallore qe ka krijuar dora e Zotit.
Duhet te prisnim 12 vite qe kjo dite te merrte kuptimin e plote te saj me prezencen e engjellit tone, Amelise”, shkruan kantautori.
