Reperja Loredana Zefi ka anuluar të gjitha koncertet që pritej të mbante këtë vit, për shkak se është nën hetim nga autoritetet zvicerane. Pas publikimit të skandalit të mashtrimit, Loredana vendosi të anulojë koncertet, lajm që e ka dhënë me anë të një videoje në Instagram.
Ajo bëri një njoftim në Instagram, ku foli në gjuhën gjermane dhe i kërkoi falje ndjekësve si dhe pret mirëkuptim nga ata.
“Unë sot fatkeqësisht do ju jap një lajm jo të mirë. Kam anuluar të gjitha festivalet për këtë vit. Natyrisht, unë isha duke pritur me padurim për të festuar me ju, por tani është momenti i gabuar dhe shpresoj se ju do të keni mirëkuptim për këtë. Tani duhet të qartësoj disa gjëra dhe të mbledh veten sërish. Sapo të qartësoj gjërat, unë do festoj sërish me ju”, u shpreh 23-vjeçarja në videon katër minutëshe.
View this post on Instagram
Lidhur me këtë vendim, ka reaguar këngëtarja Fifi, e cila e ka mbështetur moralisht reperen.
“Edhe pse nuk njihemi personalisht, si nga Ferizaj që jemi të dyja, ti ke mbështetjen time. Unë jam me ty”, shkruan Fifi.
