Sot është një ndër aktorët më të njohur në botë, por dikur prindërit e shitën për vetëm 26 dollarë tek një grua e moshuar, e cila edhe e rriti.
Jackie Chan lindi më 7 prill 1954 në Hong Kong. Fëmijëria e tij ishte shumë e vështirë. Mësuesi në shkollë, ia theu në një rast hundën me shkop. Por aty ai arriti të fitojë njohuritë bazë për akrobaci, arte luftarake dhe teknikat e aktrimit.
Ndër punët e tij të para ka qenë ai i truprojës së Brus Li, aktorit mitik kinezo-amerikan, që ishte një legjendë e arteve marciale. Në fillimet e karrierës kinematografike njihej me nofkën Sing Lung (Dragoi), teksa nisi të realizojë shumë filma në Kinë dhe në SHBA.
Jackie flinte mesatarisht 2 orë në rininë e tij, pikërisht për shkak të xhirimeve intensive. Ai është dëmtuar shpesh gjatë interpretimit të filmave. Në disa raste, ka pësuar fraktura në pjesë të ndryshme të trupit, dhe në një rast kaloi disa ditë në koma.
Filmat e tij, të shfaqur në mbarë botën, kanë arkëtuar mbi 40 miliardë dollarë të ardhura. Vetë ai ka një pasuri neto që i kalon 400 milionë dollarët. Pavarësisht se është mjeshtër në artet marciale, dhe ka luajtur në shumë filma aksion, Jackie Chan i ka shumë frikë gjilpërat.
