Sekretari i Përgjithshëm i PD-së, Gazmend Bardhi ka siguruar qytetarët se protesta e sotme e opozitës do të jetë paqësore.
Duke iu referuar deklaratës së mëhershme të zv/ministrit të Brendshëm, Bardhi e përgënjeshtroi atë, teksa tha se i vetmi që përdor dhunën për të mbajtur pushtetin është kryeministri Rama.
“Qeveria keqinformoi opinionin publik, i vetmi që përdor dhunën për të mbajtur pushtetin është Edi Rama.
Dhunë nuk është mjeti që përdor Partia Demokratike. Marshim protestë kundër dhunës për Shqipërinë si gjithë Europa. PD e angazhuar vetëm për protestë paqësore, është parti e lirisë dhe refuzon dhunën dhe bashkëpunimin me krimin e organizuar për të ardhur në pushtet.
Dënojmë shkrimin dhe sulmin e bërë ndaj ambasadorit Borchardt. I kërkojmë prokurorisë të zbulojë kush janë autorët e këtij akti të shëmtuar dhe t’i vërë ata para përgjegjësisë.
Rama nxori me gaz lotsjellës banorët nga Bregu i Lumit, ka futur në burgje qytetarë që nuk paguajnë dot energjinë elektrike. PD e vendosur të mos bëjë asnjë hap pas për votën e lirë të pandikuar nga krimi dhe korrupsioni, njësoj siç ndodh në SHBA, Britani e Itali”, tha Bardhi.
