Ish-kreu i Grupit Parlamentar të LSI-së, Petrit Vasili ka reaguar lidhur me deklaratat e kryeministrit Edi Rama.
Vasili, teksa e cilëson kryeministrin Rama si ‘kryegënjeshtar’ u shpreh se i gjithë fjalimi i tij ishte mashtrim, pasi sipas tij të gjithë e kujtojnë dhunën e ushtruar dhe “gjakosjen e forcave të rendit” në 21 janar nga protestuesit.
Po ashtu, Vasili pretendon se në 21 janar u organizua një tentativë për grusht shteti.
“Ditë e jashtëzakonshme për Tiranën dhe për gjithë Shqipërisnë. Kur pushteti i Ramës tregoi fitoren e vërtetë atë të lidhur me krimin. Kryegënjeshtari i Shqipërisë, kryeministri Edi Rama mashtroi gjithë dynjanë edhe me bëmat e 21 janarit. Të gjithë e kanë të kthjellët në mendje dhunën e ushtruar, gjakosjen e forcave të rendit. Kujtoni sesi u përfshi Tirana në zjarr dhe flakë dhe si u ngazëlleu për viktimat. Agron Malaj, ishte një ata të akuzuarit e Edi Ramës sot është kryetar bashkie.
Në dispozicion të 21 janarit organizuan një tentativë për grusht shteti. Është futur me makinë në kryeministri. Ky është Edi Rama i 21 janarit që me paturpërsinë kërkon të fikë krimin e organizuar dje. Një turmë çakejsh të kriminalizuar u hodhën me njëri tjetrin. Rama i ka përzier duart aq keq, nuk çlirohet dot nga sindromi i duarve të larë në gjak të cilët më shumë do ta çmendin se do ta lajë. U urdhërua në mënyrë të drejtëpërdrejtë. Ka vetëm një rrugë, drejtësi të ashpër që do ta kuptojë çdo njeri”, deklaroi Vasili.
