Deputetja Rudina Hajdari ka komentuar dhunën në protestën e opozitës. Ajo përmend të atin dhe ndërkombëtarët, dhe shkruan se Basha po e imiton shëmtuar Azem Hajdarin.
“Mos e quani veten një “demokrat” z. Basha, dhe mos besoni që im atë do të kishte mbështetur veprimet tuaja sonte. Azemi dhe e gjithë Shqipëria në 1990 protestuan për të sjellur demokracinë në Shqipëri, jo nëpërmjet dhunës”, shkruante ndër të tjera ajo.
Por duket se këtë reagim nuk e ka kapërdirë Mesila Doda, e cila ka reaguar me anë të një postimi në rrjetin e saj social Facebook. Ajo e ka cilësuar këtë si një deklaratë të turpshme. Doda shton më tej se kurrsesi nuk mund të mungojnë qëndrimet kritike ndaj krerëve të PD-së, por Rudina Hajdari nuk mund të jetë kundër kësaj force.
“Kurre nuk mumdet nje njeri me nje gram tru e vetdije politike te leshoje kete deklarate te turpshme sonte. Ti nuk fshihesh dot me pas hijes se babes. Te gjithe kemi patur e kemi qendrime me shume se kritike ndaj krereve te PD, po nuk mundet kurre te jesh kunder njerzve te tu…
sot Tirana eshte nen helmim dhe emri i atij qe urdheroi helmimin e popullit te tij eshte Edi Rama. Cilido qe sposton pergjegjesine eshte bashkpunetor i ketij mostre”, përfundon komentin Mesila Doda.
