Erion Isai së bashku me kolegët Bes Kallaku dhe Olsi Bylyku kanë rubrikën e tyre “Be Coffe”, në “Tv Klan”. Por çfarë ndodhi dy vite më parë që Erion Isai la skenën e Portokalli-së? Aktori ka zgjedhur që të flasë tashmë, e të japë arsyen pse ai bëri këtë zgjedhje.
Nëse mendoni se mund të ketë ikur për shkak të konflikteve të brendshme, kjo nuk qëndron. Nuk ka pasur asnjë zënkë, por një vendim që Erion Isai e kishte marrë me dëshirën e tij, pasi nuk mund të jepte më shumë në atë skenë.
“Më bëhet qejfi që pas 2 vitesh, kur u largova nga Portokallia, të flas me zë dhe figurë. E vërteta është se nuk do isha përballë teje këtu nëse nuk do ekzistonte Portokallia.
Portokallia i besoi një djali të ardhur me autobus në 3 të mëngjesit nga Erseka, skenën më të lakmuar në Shqipëri në ato vite. Vendimi im për tu larguar nga Portokallia nuk erdhi për shkak të një kapriçoje, të një sherrnaje.
Erdhi si një moment reflektimi i një artisti, me shqetësimin se unë nuk mund të jepja më shumë se kaq, sa i dhashë Portokallisë në aspektin skenik. Realizimin e figurave komike ashtu siç po e bëjnë kolegët e mi sot, unë nuk arrij ta bëj”, ka deklaruar ai në emisionin “Tempora”, në “Ora News”.
