Stevo Pendarovski, bëri daljen e tij të parë mbrëmjen e djeshme si President i vendit, ende jozyrtarisht i konfirmuar nga Komisioni Shtetëror i Zgjedhjeve, dhe falënderoi të gjithë ata që e votuan, po ashtu falënderoi edhe në gjuhën shqipe të gjithë shqiptarët që e votuan.
“Populli im, faleminderit! Ju falënderohem gjithëve maqedonasve, shqiptarëve, serbëve, boshnjakëve, turqve dhe të tjerë që në zgjedhje të drejta dhe demokratike vendosët që bashkë të shkojmë përpara. Kjo sot ishte një fitore e shumicës së qytetarëve të cilët pa dallim bashkësisë etnike dhe politike u bashkua dhe thamë bashkë përpara dhe asnjëherë më regjim. Sot fituan qytetarët, dua të deklaroj se do t’u shërbej me përkushtim të gjithëve”, deklaroi Pendarovski.
Ai tha se këto janë zgjedhjet më demokratike që ka zhvilluar ndonjëherë Maqedonia që nga pavarësia e vendit, ndërsa theksoi se do të jetë presidenti i të gjithëve.
“Këto kanë qenë zgjedhjet më demokratike që ka zhvilluar ndonjëherë Maqedonia dhe së bashku do të shkojmë përpara dhe kurrë më regjim”, tha ai.
