Një flamur gjigant kuqezi u shpalos në kalanë e Ohrit. Ishte Gjergj Prekoçaj, një nga udhëheqësit e grupit të Arbëreshëve që e shpalosi ati. Ai është arrestuar nga policia dhe Gjykata e Ohrit e dënoi atë me 1100 euro, por përveç kësaj atij i është shqiptuar masë ndalese prej 5 viteve për të mos hyrë në Maqedoni.
Ai theksoi për INA se flamurin e Shqipërisë e ka shpalosur si shenjë përkujtimi me rastin e shpalosjes së flamurit kombëtar nga Gjergj Kastrioti–Skënderbeu në betejën e tij edhe në këtë tokë arbërore.
“Nuk do të ndalemi. Falënderojmë të gjithë ata që na mbështetën. Na do të vazhdojmë për këtë tokë arbërore. Nuk do të ndalemi kurrë. Kjo është tokë e Gjergj Kastriotit. Ndoshta si pëlqeu gjykatësit, por unë nuk heq dorë. Na jemi në tokën tonë arbërore dhe ne jemi për bashkim kombëtar. Kjo na bën më të fortë”, theksoi për INA, Gjergj Prekoçaj.
Kryetari i Shoqatës së të burgosurve politik shqiptar në Maqedoninë e Veriut, Shpëtim Pollozhani tha se është një dënim drakonik 1100 euro dhe paratë i ka paguar menjëherë që të lirohet, ndryshe duhet të përfundonte në burg.
Ky veprim është konsideruar tejet skandaloz edhe nga qytetarët në rrjetet sociale.
