Neymar, ishte në Torino të enjten, por për të ulur entuziazmin e kotë të tifozëve të Juventusit ka menduar “Tuttosport”, që zbulon edhe arsyen e udhëtimit.
Për disa orë, tifozët bardhezinj ngritën hipoteza të shumta, duke iu hyrë edhe disa rregullave elementare të “fair play financiar”, nëse ky i fundit lejonte një duet ëndrrash te Juventusi, të përbërë nga kampioni brazilian dhe Cristiano Ronaldo.
Megjithatë, e vërteta është ndryshe dhe paksa zhgënjyese për ultrasit bardhezinj: Neymar ka qenë në Torino për Cristiano Ronaldon, por jo për Juven.
Arsyeja e udhëtimit të Neymar kishte të bënte me xhirimin e një spoti reklamues, së bashku me CR7. Të dy morën pjesë në regjistrimin e një reklame të një kompanie telefonike portugeze. Kaq ishte misteri…
