Pak ditë pas lajmit se brenda së djathtës po krijohet një tjetër parti, tashmë është zyrtare: Astrit Patozi ka regjistruar në gjykatë partinë «Bindja Demokratike», duke braktisur përfundimisht Partinë Demokratike.
Grupi nismëtar i partisë së re depozitoi sot në Gjykatë 3.000 firmat e nevojshme për t’u regjistruar ligjërisht, ndërsa pritet regjistrimi në Komisionin Qendror të Zgjedhjeve.
Themelimi i partisë “Bindja Demokratike” ndodhi në periferi të Tiranës, në studion muzikore të ish-anëtarit të Kryesisë së PD-së, Arben Skënderit. Në mbledhjen që u mbajt në fshehtësi të plotë nga media morën pjesë 26 themelues dhe në përfundim të saj u vendos që sot, subjekti i ri politik të regjistrohet ligjërisht edhe në Gjykatë.
