Deputeti Myslim Murrizi, i ftuar në emisionin ‘360 Gradë’ ka pohuar se shtatë deputetët e grupit parlamentar demokrat që nuk kanë djegur mandatet, nuk do t’i bashkohen partisë së re “Bindja Demokratike”.
“Kjo është një lëvizje që nuk e di kush do të jetë, por duhet të shohim listën. Ata të cilët prej majit 2017, prej marrëveshjes Basha-Rama që kanë anatemuar listën, marrëveshjen, ikjen nga lista, kur dolën listat zyrtare, duhet të jenë mbledhur duke krijuar një subjekt politik. Tek 7 deputetët, nuk ka asnjë nga këta që të jetë në një sofër me Ramën apo me secilin nga këta që ka krijuar parti”, deklaroi Murrizi.
Grupi i ri parlamentar i Partisë Demokratike përbëhet nga Rudina Hajdari, Myslim Murrizi, Alban Zeneli, Arben Elezi, Arlind Çaçani, Halil Jakini dhe Korab Lita.
