Paraditen e nesërme, PD do të nis firmosjen e marrëveshjeve per krijimin e koalicionit opozitar. Me koalicionin e PD, bashkohen partitë kryesore të opozitës, që kërkojnë zgjedhje të lira e të ndershme pa Edi Ramën kryeministër.
Siç duket, një koalicion opozitar me kërkesa e ide të qarta do të marrë nesër rrugë. Më konkretisht, nesër në orën 09:00, Partia Demokratike nis firmosjen e marrëveshjeve për krijimin e koalicionit opozitar.
Disa nga partitë nënshkruese janë: Lëvizja Socialiste për Integrim, Partia Republikane, Lëvizja për Zhvillim Kombëtar, Partia Bashkimi për të Drejtat e Njeriut, Partia Agrare Ambientaliste, Partia Demokristiane, Partia Drejtësi Integrim e Unitet.
